Tıxacların qarşısını almaq üçün çevik iş qrafiki tətbiq edilə bilər? (VİDEO)

Yeni tədris ilinin başlamasına sayılı günlərin qalması ilə əlaqədar yollarda nəqliyyat sıxlığının artacağı gözlənilir.

Problemin həlli yollarından biri kimi çevik iş qrafikinin tətbiqi təklif olunur.

Bəs, vətəndaşlar bu məsələ ilə bağlı nə düşünürlər?

Qaynarinfo AzTV-ə istinadla xəbər verir ki, onların sözlərinə görə, çevik iş qrafikinin tətbiqi yollardakı tıxacların azalmasına kömək edə bilər.

Mütəxəssislər də bildirirlər ki, belə bir rejimin tətbiqi iş yerlərində məhsuldarlığın artmasına səbəb ola bilər.

Hazırda isə yeni tədris ili ilə əlaqədar yollarda yarana biləcək sıxlığın qarşısının alınması üçün hansı tədbirlər görülür?

Azərbaycan Yerüstü Nəqliyyat Agentliyinin (AYNA) mətbuat katibi Tural Orucov məsələyə aydınlıq gətirib:

"Xətlərə əlavə edilən avtobuslarla gün ərzində 475 min sərnişinə xidmət göstərilir. Monitorinq Mərkəzi vasitəsilə sərnişin sıxlığına nəzarət edilir və avtobusların sayı tənzimlənir".