Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
12:28
Azərbaycana yay gəldi
30 illik araşdırma: Alimlər qızılla dolu batmış gəminin sirrini açdı
Təxminən 30 il davam edən araşdırmalardan sonra alimlər İngiltərənin cənub sahillərində aşkar edilmiş batmış gəmini nəhayət identifikasiya edə biliblər. Söhbət 1633-cü ildə Mərakeşdən Niderlanda səfər edərkən güclü fırtına nəticəsində batan Niderland ticarət gəmisi "Dom van Kyolen”dən gedir.
Qaynarinfo xəbər verir ki, bu barədə "Historia” portalı məlumat yayıb.
Kəşf haqqında gəminin müəyyənləşdirilməsi üzərində onilliklər boyu çalışan tədqiqatçıların yeni kitabında bəhs olunur. Araşdırma 1995-ci ildə dalğıcların İngiltərənin Devon qraflığında yerləşən Solkomb şəhəri yaxınlığında gəmi qalıqlarını aşkar etməsindən sonra başlayıb və təxminən 30 il davam edib.
Layihədə "British Museum”, "Bournemouth University” və Cənub-Qərb Dəniz Arxeologiyası Qrupunun alimləri iştirak ediblər. Tarixçi Yan Fril arxiv sənədlərini araşdıraraq gəminin marşrutunu və mənşəyini təsdiqləyən məlumatlar tapıb.
Tədqiqatın nəticələrinə görə, "Dom van Kyolen” gəmisi Mərakeşdən Niderlanda doğru hərəkət edərkən güclü fırtınaya düşüb.
Gəmi su qəbul etməyə başlayıb və nəticədə İngiltərə sahilləri yaxınlığında batıb. Tarixçilərin məlumatına əsasən, ekipaj üzvlərinin hamısı sağ qalıb.
Gəmidə böyük həcmdə ticarət yükləri daşınırdı. Bunların arasında:
* 150 kisə ərəb saqqızı;
* 64 kisə şora;
* 320 ədəd keçi dərisi;
* təxminən 9000 qızıl sikkə var idi.
XVII əsrdə yükün bir hissəsi çıxarılsa da, 400-dən çox qızıl sikkə dənizin dibində qalıb və yalnız 1995-ci ildə yenidən aşkar edilib.
"Bournemouth University”nin dəniz arxeologiyası professoru Deyv Parhemin sözlərinə görə, tapıntı böyük tarixi əhəmiyyət daşıyır.
"Bu kəşf Afrika qızıl ticarətinin və XVII əsrin inkişaf etmiş dəniz ticarətinin daha yaxşı başa düşülməsi üçün mühüm kontekst yaradır”, deyə o bildirib.
"British Museum”un tədqiqatçısı Ceremi D. Hill isə vurğulayıb ki, bu kəşf beynəlxalq əhəmiyyətə malikdir:
"İndi Şimali Afrika qızılı daşıyan və İngiltərə sahillərində qəzaya uğrayan Niderland gəmisinin hekayəsini tam şəkildə danışmaq mümkündür”.
Dənizin dibindən çıxarılan artefaktlar arasında:
* qalay qablar;
* qızıl zinət əşyaları;
* keramika nümunələri;
* möhür;
* balıq formasında geodeziya çəkisi;
* qızıl külçəsi var.
Hazırda bütün tapıntılar "British Museum”un kolleksiyasında saxlanılır.
Tarixçilərin sözlərinə görə, XVII əsrdə Niderland dünya dəniz ticarətinin əsas mərkəzlərindən biri idi. "Dom van Kyolen” gəmisi Avropa ilə Şimali Afrika arasında mövcud olmuş mürəkkəb ticarət marşrutlarının parlaq nümunəsidir. Həmin dövrdə qızıl və xammal sənaye məhsulları ilə fəal şəkildə mübadilə edilirdi.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər