Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Paltaryuyan maşındakı "kəpənək" işarəsi nə deməkdir? - Çoxları ondan yanlış istifadə edir
Müasir paltaryuyan maşınlarda müxtəlif parça növləri üçün onlarla yuma proqramı olsa da, idarəetmə panelindəki bəzi işarələrin mənası istifadəçilərə məlum olmur. Onlardan biri də kəpənək simvoludur.
Qaynarinfo xəbər verir ki, mütəxəssislər deyir ki, bu işarə xüsusilə zərif parçalar üçün nəzərdə tutulmuş yuma rejimini ifadə edir. Bu proqram təbii ipək, krujeva, nazik alt paltarları, yüngül pərdələr və xüsusi qulluq tələb edən digər geyimlərin yuyulması üçün istifadə olunur.
Bu rejimdə paltaryuyan maşının barabanı daha yavaş fırlanır ki, bu da parçalar arasında sürtünməni azaldır və liflərin zədələnməsinin qarşısını alır. Suyun temperaturu adətən 30 dərəcəni keçmir, sıxma funksiyası isə ya tam söndürülür, ya da minimum dövriyyədə həyata keçirilir. Nəticədə geyimlər daha az qırışır və öz formasını qoruyur.
Mütəxəssislər bildirirlər ki, bu rejimdən istifadə zamanı ən çox yol verilən səhv barabanın normadan artıq doldurulmasıdır. Zərif yuma proqramı təxminən 1–1,5 kiloqram çamaşır üçün nəzərdə tutulub. Daha çox paltar yükləndikdə onlar kifayət qədər yaxalanmaya və yuma bitdikdən sonra həddindən artıq nəm qala bilər.
Zərif parçaları qorumaq üçün yuyulma zamanı xüsusi torlu yuma kisələrindən istifadə etmək də tövsiyə olunur. Bu, xüsusilə krujeva və nazik alt paltarlarının zədələnmə riskini azaldır.
Bundan başqa, kəpənək işarəsi ilə göstərilən proqram güclü çirklənmiş geyimlər üçün uyğun deyil. Rejimin qısa və yumşaq yuma dövrü səbəbindən çətin ləkələr tam təmizlənməyə bilər. Belə hallarda əvvəlcə ləkələri uyğun təmizləyici vasitə ilə emal etmək, daha sonra isə parçanın növünə uyğun proqram seçmək tövsiyə edilir.
Günay
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər