Portuqaliya Futbol Federasiyasının İntizam Şurası milli komandanın kapitanı Kriştiano Ronaldo barəsində intizam araşdırmasına başladığını açıqlayıb. Buna səbəb futbolçunun son beynəlxalq fasilə zamanı Danimarka ilə oyundan 24 saat əvvəl milli komandanın düşərgəsini tərk etməsi olub.
Qaynarinfo xəbər verir ki, Şura, həmçinin Səudiyyə Ərəbistanının “Əl-Nəsr” klubunun kapitanı barəsində avtomatik olmayan müvəqqəti diskvalifikasiya qərarı qəbul edib və işi “təcili” kateqoriyasına aid edib.
Portuqaliyanın “A Bola” qəzeti bu gün xəbər verib ki, federasiya rəsmi açıqlamasında qərarın cümə günü, oktyabrın 9-da, qeyri-peşəkar futbol bölməsinin qəbul etdiyi qərara əsasən verildiyini bildirib. Məqsəd çərşənbə günü bildirilən hadisələrdə intizam pozuntusunun olub-olmadığını müəyyənləşdirməkdir.
Açıqlamada bildirilib ki, Ronaldo barəsində intizam araşdırması başlanılanadək o, artıq avtomatik müvəqqəti diskvalifikasiya cəzasına məruz qalıb. Daha sonra Şura avtomatik tətbiq edilməyən əlavə müvəqqəti tədbir görmək və işə təcili statusu vermək qərarına gəlib.
Federasiya, həmçinin işin bu gün intizam araşdırması üzrə müvafiq komissiyaya göndərildiyini və araşdırma başa çatana qədər təfərrüatların məxfi saxlanılacağını vurğulayıb.
Ronaldo son beynəlxalq fasilə zamanı Portuqaliya millisinin düşərgəsini tərk edib. Hadisə geniş müzakirələrə səbəb olub və futbolçunun baş məşqçi Jorje Jesusla fikir ayrılığı yaşadığı barədə xəbərlər yayılıb.
Bununla əlaqədar Portuqaliya millisinin sosial şəbəkələrdəki rəsmi səhifəsi cümə günü, oktyabrın 9-da, Ronaldo ilə bağlı böhrana baxmayaraq, futbolçunun Səudiyyə Ərəbistanının Roshn Liqasında “Əl-Diriyah”a qarşı “Əl-Nəsr”in heyətində vurduğu qolu təbrik edib.
Aydın
