Qadınların uğur və nailiyyətlərə dair ideal baxışları bəzən kişilərlə üst-üstə düşsə də, bəzi fərqlər qalmaqdadır. Xüsusilə qadınların status rəmzi kimi gördüyü müəyyən əşyalar kişilər üçün tamamilə mənasız görünə bilər.

Qaynarinfo xəbər verir ki, "Your Tango" nəşri qadınların status göstəricisi hesab etdiyi, lakin kişilər üçün önəm daşımayan 11 belə şeyi sadalayıb.

1. Brend çantalar

Bir çox qadın üçün dəbdəbəli çanta təkcə aksesuar deyil, həm də uğur və status göstəricisidir. Belə çantalar həm eksklüzivlik, həm də özünüifadə vasitəsi kimi qiymətləndirilir. Kişilər isə bu çantalara sadəcə içərisinə əşyalar qoyulan bir "kisə” kimi baxırlar.

2. Dizayner ayaqqabıları

Dizayner markalı ayaqqabılar qadınlar üçün təkcə rahatlıq yox, həm də sosial statusun göstəricisidir. "Bottega Veneta" ayaqqabısı və ya "Balenciaga" idman ayaqqabısı geyinmək onlara görə əldə edilmiş uğurun simvoludur. Kişilər üçün isə bu, əksər hallarda sadəcə bir cüt ayaqqabıdır.

3. Lüks kosmetika

Qadınlar makiyaj vasitələrinə – məsələn, "Dior"un allığına və ya "Chanel"in bronzerinə – böyük pullar sərf etməkdən çəkinmir. Bu brendlər onlara prestij və özünəinam hissi verir. Halbuki kişilər bu məhsulları çox vaxt bir-birindən ayırmır və mahiyyətinə varmırlar.

4. Təzə manikür

Daimi manikür qadınlar üçün yalnız estetik deyil, həm də sosial statusun ifadəsidir. Baxımlı dırnaqlar qadınların gözəllik rutininin ayrılmaz hissəsinə çevrilib, kişilər üçünsə bu detal çox vaxt nəzərəçarpmaz olur.

5. Yüksək səviyyəli dəriyə qulluq vasitələri

Qadınlar dərilərinə qulluq edərkən istifadə etdikləri məhsulları diqqətlə seçir, bu da onların sağlam görünüşə və statusa verdiyi önəmi göstərir. Kişilər isə bu məhsulları tez-tez eyni kateqoriyaya aid "qablarda krem” kimi dəyərləndirirlər.

6. Brend su qabları

Müasir dövrdə qadınlar üçün su içmək təkcə sağlamlıq deyil, həm də dəb məsələsidir. Məşhur markaların su qabları və stəkanları ("Stanley” kimi) status göstəricisinə çevrilib. Kişilər isə eyni funksiyanı yerinə yetirən sadə qablarla kifayətlənirlər.

7. Bahalı ətirlər

"Tom Ford" və "Chanel" kimi markalardan olan parfümlər bir çox qadın üçün lüksün zirvəsi sayılır. Bu ətirlər onların zövqünü və statusunu nümayiş etdirir. Kişilər üçünsə ətir seçimi çox zaman praktik və funksional olur.

8. Dəyərli idman geyimləri

Qadınlar bahalı idman geyimlərini təkcə rahatlıq üçün deyil, həm də özünəinam və üslub üçün seçir. Keyfiyyətli idman geyimi onları daha çox idman etməyə təşviq edə bilər. Kişilər üçünsə idman geyimi adətən sadəcə funksionallıqla ölçülür.

9. Kafedə içilən estetik qəhvə

Bir fincan "latte” və ya "mokko” qadınlar üçün gündəlik ritual və estetik zövq mənbəyidir. Onlar bu içkilərlə öz üslublarını və həyat tərzlərini nümayiş etdirirlər. Kişilər isə çox vaxt sadəcə kofein ehtiyaclarını ödəməyə üstünlük verirlər.

10. Brendli səyahət çamadanları

Qadınlar səyahət üçün seçdikləri çamadan dəstləri ilə öz zərifliklərini və zövqlərini vurğulamaq istəyirlər. Kişilər üçün isə bu, əşyaları rahat daşımaq üçün bir vasitədən artıq deyil.

11. Lüks pijama

Yuxu üçün şık, ipək pijamalar bir çox qadın üçün rahatlıqla yanaşı, dəbdəbəli həyat tərzinin simvoludur. Bu paltarlar onların özlərinə göstərdiyi diqqətin və yüksək zövqün göstəricisi kimi qiymətləndirilir. Kişilər üçünsə pijama, sadəcə rahat yuxu vasitəsidir.

Aydın