Dünya çempionatının Cənubi Amerika seçmə mərhələsində Uruqvayla səfər oyununda zədələnən və meydanı göz yaşları içində tərk edən Neymarın sağlamlıq durumu məlum olub.
Qaynarinfo-nun məlumatına görə, onun çıxış etdiyi Səudiyyə Ərəbistanı təmsilçisi "Al-Hilal"dan verilən açıqlamada sol dizinin ön çarpaz bağında və menisküsündə yırtıq diaqnozu qoyulan 31 yaşlı futbolçunun əməliyyat olunacağı və uzun müddət yaşıl meydanlardan uzaq qalacağı bildirilir.
Mövsümün əvvəlində PSJ-dən "Al-Hilal"a 90 milyon avroya transfer olunan Neymar yeni komandasında meydana çıxdığı beş matçda bir qola, üç məhsuldar ötürməyə imza atıb.
Uruqvay - Braziliya matçı arasında keçirilən oyun uruqvaylıların 2:0 hesablı qələbəsi ilə yekunlaşıb.
Səbuhi Həsənov
