Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
19:38
Kadir İnanır vəfat etdi
Burkina Faso Fransa ilə diplomatik əlaqələri kəsib
Burkina Faso hökuməti Fransa ilə diplomatik münasibətləri kəsdiyini açıqlayıb. Hərbi rəhbərlik Parisi neokolonial niyyətlərdə ittiham edərək Fransaya qarşı sərt mövqe tutur.
Burkina Faso Fransa ilə diplomatik münasibətləri kəsib və bu addım keçmiş müstəmləkəçi ölkə ilə münasibətləri daha da gərginləşdirib.
"Burkina Faso hökuməti bu gündən, 26 iyun 2026-cı ildən etibarən Fransa ilə diplomatik əlaqələri dayandırmaq qərarına gəldiyini milli və beynəlxalq ictimaiyyətə bildirir”, — cümə günü milli televiziyada oxunan bəyanatda deyilib.
Qaynarinfo-nun verdiyi xəbərə görə, kapitan İbrahim Traorenin rəhbərlik etdiyi hərbi hökumət 2022-ci ilin sentyabrında baş vermiş çevrilişdən sonra Qərb ölkələrinə, xüsusilə Fransaya qarşı sərt siyasət yürüdür.
Televiziya ilə yayımlanan açıqlamada hökumət Fransanı ölkənin maraqlarına zidd fəaliyyət göstərməkdə ittiham edib.
Kommunikasiya naziri Gilbert Uedraqo bildirib ki, qarşılıqlı hörmət, etimad, daxili işlərə müdaxilə etməmə və milli suverenliyə hörmət prinsiplərinə əsaslanan münasibətlərin inkişafı üçün zəruri şərtlər mövcud deyil.
Onun sözlərinə görə, qərar Parislə münasibətlərin yenidən nəzərdən keçirilməsindən sonra qəbul edilib. Nazir Fransanı "təxribatçı şəbəkələri və ölkəmizdə, eləcə də Sahel bölgəsində dağıdıcı terrorçuları fəal şəkildə dəstəkləməklə neokolonial niyyətlər güdməkdə” ittiham edib.
Yanvar ayında Burkina Fasoda siyasi partiyalar hərbi hökumət tərəfindən rəsmən ləğv edilib. Analitiklər bu addımı ölkədə demokratiyaya ağır zərbə kimi qiymətləndiriblər. Partiyaların bütün əmlakı da müsadirə olunub.
Dənizə çıxışı olmayan Burkina Faso ölkənin şimalında, cənubunda və qərbində ərazilərə nəzarəti ələ keçirən bir neçə silahlı qrupla mübarizə aparır. Bu qruplara "əl-Qaidə” ilə əlaqəli Jamaat Nusrat al-Islam wal-Muslimin və "İslam Dövləti”nin Sahel vilayəti daxildir. Onlar qonşu Mali və Nigerdə də fəaliyyət göstərirlər.
Burkina Faso ordusu "Human Rights Watch”un ötən ilin aprelində açıqladığı məlumata görə, Fulani mülki əhalisinə qarşı etnik təmizləmə də daxil olmaqla, müharibə cinayətləri və insanlıq əleyhinə cinayətlər törətməkdə ittiham olunur.
Hökumətin cümə günü yayılan bəyanatında bildirilir ki, Fransa ilə əlaqələrin kəsilməsi yalnız iki dövlət arasında diplomatik münasibətlərə aiddir və Burkina Faso xalqı ilə Fransa arasında tarixi, humanitar, mədəni və sosial əlaqələrə təsir etmir.
Bəyanatda ölkədə yaşayan Fransa vətəndaşlarının qanunlara uyğun olaraq qorunmağa davam edəcəyi də qeyd olunub.
Afrikanın şimalında, mərkəzində və qərbində mühüm təsirə malik olan Fransa son illərdə mövqelərini itirib. Xüsusilə Sahel bölgəsində yerləşən keçmiş Afrika müstəmləkələrinin bir çoxu Rusiyaya və Çinə yaxınlaşaraq Fransadan uzaqlaşıb.
Oxşar xəbərlər
Kadir İnanır vəfat etdi
Dünya
26.06.2026
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər