Pasport demək olar ki, hər bir səyahətçi üçün vacib sənəddir. Lakin dünyanın üç monarxiya nümayəndəsi üçün bu qaydadan istisna tətbiq olunur. Adi səyahətçilər sərhədi keçmək üçün pasporta ehtiyac duyurlar. Ancaq dünyada bu qaydanın şamil olunmadığı cəmi üç nəfər var. Söhbət Böyük Britaniya kralından və Yaponiyanın imperator cütlüyündən gedir.
Qaynarinfo xəbər verir ki, bu barədə "Podroze Onet"
Böyük Britaniya kralı
Britaniya monarxının xaricə pasportsuz səfər etmək hüququ var. Kraliça II Elizabetin ölümündən sonra bu imtiyaz onun oğlu, hazırkı kral III Çarlza keçib.
Britaniya kral ailəsinin rəsmi saytında qeyd olunur ki, monarx xarici səfərləri zamanı Britaniya pasportuna ehtiyac duymur.
Adi pasportun əvəzinə kral üçün xüsusi sənəd nəzərdə tutulub. Bu sənəddə xarici dövlətlərin nümayəndələrindən sənəd sahibinin sərbəst keçidini, həmçinin onun üçün zəruri müdafiə və yardımın təmin edilməsini xahiş edən müraciət yer alır.
Bununla belə, Britaniya kral ailəsinin digər üzvləri bu istisnadan yararlana bilmirlər. Onlar adi vətəndaşlar kimi pasportlardan istifadə edirlər.
Yaponiya imperatorunun niyə pasportu yoxdur?
Eyni istisna Yaponiya imperatoru Naruhito və onun həyat yoldaşı, imperatriça Masakoya da şamil olunur.
Yapon imperator cütlüyünün xüsusi statusu 1971-ci ildə Yaponiyanın Xarici İşlər Nazirliyinin hazırladığı sənədlə əsaslandırılır. Həmin sənəddə imperator və ya imperatriçaya pasport verilməsinin “son dərəcə yersiz” olacağı qeyd edilirdi.
Yaponiya hakimiyyəti həmçinin imperator və imperatriçanın digər ölkəyə daxil olarkən adi vətəndaşlarla eyni standart prosedurlardan keçməsini uyğun hesab etmirdi.
Bu səbəbdən xarici səfərlər zamanı onlar pasportun əvəzinə Yaponiyanın Xarici İşlər Nazirliyi tərəfindən verilən xüsusi sənəddən istifadə edirlər. Eyni zamanda səfərdən əvvəl Yaponiya qurumu imperator cütlüyünün gələcəyi barədə təyinat ölkəsini əvvəlcədən məlumatlandırmalıdır.
Maraqlıdır ki, bu imtiyaz yalnız imperator və imperatriçaya şamil olunur. Yaponiya imperator ailəsinin digər üzvləri isə diplomatik pasportlarla səyahət edirlər.
Aydın
Şərhlər