Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Yaş artdıqca insanın siması adına uyğunlaşa bilər: Bu necə baş verir?
Süni intellektin köməyi ilə aparılan yeni tədqiqat göstərib ki, insanların üz cizgiləri zaman keçdikcə onların adları ilə əlaqələndirilən sosial gözləntilərlə müəyyən uyğunluq yarada bilər.
Qaynarinfo xəbər verir ki, bu barədə "IFL Science" nəşri məlumat yayıb.
Tədqiqat müəllifləri hesab edirlər ki, insanlar doğulduqları zaman aldıqları adlarla bağlı formalaşan stereotiplərin təsiri altında inkişaf edə bilərlər.
Alimlərin sözlərinə görə, uşaqlar hələ öz adlarına "oxşamırlar". Lakin uzun illər eyni adla yaşayan böyüklərin görünüşü həmin adla daha çox uyğunluq təşkil edir.
Eksperiment zamanı tədqiqatçılar uşaqlardan və böyüklərdən müxtəlif insanların üz şəkillərini onların adları ilə uyğunlaşdırmağı xahiş ediblər.
Nəticələr göstərib ki, hər iki yaş qrupu böyüklərin adlarını yalnız üz görünüşünə əsasən təsadüfdən xeyli yüksək dəqiqliklə müəyyən edə bilib. Lakin iştirakçılar uşaqların adlarını eyni üsulla düzgün təxmin edə bilməyiblər.
Alimlərin fikrincə, bu nəticələr insanların yaşlandıqca üz görünüşünün həmin adla bağlı sosial gözləntilərlə daha çox uyğunluq təşkil edə biləcəyini göstərir.
Araşdırma zamanı eyni ada malik böyüklərin üz cizgilərinin bir-birinə fərqli ad daşıyan insanlardan daha çox bənzədiyi də müəyyən edilib. Uşaqlarda isə belə oxşarlıq müşahidə olunmayıb.
Tədqiqatçılar həmçinin süni intellekt vasitəsilə uşaqların üzlərini süni şəkildə yaşlandırıblar. Lakin bu dəyişiklik onların simasını adlarına daha uyğun göstərməyib.
Alimlərin qənaətinə görə, real həyatda bu uyğunluq "özünü doğruldan proqnoz" prinsipi əsasında, yəni sosial gözləntilərin uzunmüddətli təsiri nəticəsində formalaşa bilər.
Tədqiqatın müəllifi doktor Yonat Tsvebner bildirib ki, nəticələr sosial gözləntilərin insan inkişafına güclü təsir göstərə biləcəyini nümayiş etdirir.
Onun sözlərinə görə, adlarla bağlı sosial etiketlər və stereotiplər insanların həm psixoloji davranışına, həm də xarici görünüşünün formalaşmasına müəyyən təsir göstərə bilər.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər