Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Seçiləni silin
Bu şərhi silmək istədiyinizdən əminsiniz?
Şikayət et
Bu şərhi şikayət etmək istədiyinizdən əminsiniz?
Xəbər lenti
Müharibə qızıla zərbə vurdu: Üç ayın minimumuna düşdü
Qızılın qiyməti çərşənbə günü, 10 iyun tarixində son 11 həftənin ən aşağı səviyyəsinə düşüb. Buna ABŞ və İran arasında gərginliyin yenidən artması fonunda neftin bahalaşması və inflyasiya gözləntilərinin güclənməsi səbəb olub.
Qaynarinfo "Reuters”ə istinadən xəbər verir ki, 10 iyun səhəri spot qızılın qiyməti 1,7% ucuzlaşaraq 4191,84 ABŞ dolları/unsiya (134,8 dollar/qram) olub və 23 martdan bəri ən aşağı səviyyəyə enib. ABŞ-da avqust tədarüklü qızıl fyuçersləri 1,6% azalaraq 4215,60 dollar/unsiya (135,6 dollar/qram) təşkil edib.
9 iyun tarixində ABŞ Prezidenti Donald Trampın ABŞ helikopterinin Hörmüz boğazında vurulduğunu açıqlamasından sonra ABŞ İran ərazisinə zərbələr endirib. Buna cavab olaraq İran İslam İnqilabı Keşikçiləri Korpusu ABŞ hərbi bazasına və Körfəz regionundakı 21 hədəfə hücumlar həyata keçirdiyini bildirib.
Gərginliyin artması neft qiymətlərini yüksəldib və Federal Ehtiyat Sistemi (FED) tərəfindən faiz dərəcələrinin uzun müddət yüksək saxlanacağı gözləntilərini gücləndirib.
Qızıl ənənəvi olaraq inflyasiyadan qorunma vasitəsi hesab olunsa da, faiz artımları adətən metal üçün mənfi amil sayılır, çünki o, gəlir gətirmir. Hazırda treyderlər FED-in dekabr ayına qədər faiz artırma ehtimalını 70%-dən çox qiymətləndirirlər.
İnvestorlar həmçinin ABŞ-da inflyasiya ilə bağlı əsas göstəriciləri gözləyirlər. Çərşənbə günü istehlak qiymətləri indeksi, cümə axşamı isə istehsalçı qiymətləri indeksi açıqlanacaq. Bu məlumatlar FED-in gələcək qərarlarına dair siqnallar verə bilər.
"Tastylive”in qlobal makroiqtisadiyyat şöbəsinin rəhbəri İlya Spivakın fikrincə, əgər qızıl 4100 dollar/unsiya səviyyəsini qırarsa, metal üçün vəziyyət kəskin dəyişə bilər və ilin sonuna qədər növbəti hədəf 3500 dollar/unsiya ola bilər.
Eyni zamanda gümüşün spot qiyməti 1,3% azalaraq 64,54 dollar/unsiya (2,08 dollar/qram), platin 3% ucuzlaşaraq 1675,25 dollar/unsiya (53,9 dollar/qram), palladium isə 0,7% dəyər itirərək 1213,47 dollar/unsiya (39 dollar/qram) olub.
Aydın
Oxşar xəbərlər
Bloqlar
Pozitiv dünyadan çıx
Pozitiv dünyadan çıxmaq istədiyinizdən əminsiniz?
Xəbərdarlıq
DİQQƏT! Qaynarinfo.az-ın açıq materiallarının olduğu kimi surətini çıxarmaq, digər saytlara yerləşdirmək, yaymaq qadağandır. Qanunvericiliyə əsasən açıq materialların yalnız 1/3 hissəsindən istifadə etmək olar. Əks halda məsələ məhkəmə predmeti ola bilər!
Şərhlər